麥玲玲又指出，如果車主打算響羊年買車或換車，可按自己生肖運程作參考，例如鼠年出生旺桃花，即表示人緣頗佳，可選擇追女仔用嘅車款，各位朋友可根據以下各生肖響今年嘅運程好壞，來作一個揀車嘅參考。
屬羊年嘅車主今年犯太歲，有「劍鋒」星，即表示容易受傷，換車嘅機會較高，應該以安全為主；所以屬呢個生肖嘅車主，適合選擇一啲安全程度較高嘅車種（例如：寶馬、平治、富豪及紳寶等等）。
屬虎、兔、龍嘅車主響羊年會遇到貴人，而生活上嘅應酬亦會較多，故此選購汽車時，應考慮多用途同埋載客人數較多嘅七人車車種（例如：日產Elgrand、豐田Estima同Alphard等等）。
屬狗、牛和雞嘅車主今年破財星強，所以選購車輛時應選擇耐用可靠，同埋零件較多嘅車種（例如豐田Corolla），從而盡量將破財嘅金額減至最低。
屬馬嘅車主今年有「陌越」星，即代表今年會有挑戰性嘅運程，所以選購汽車時可以考慮越野車（如凌志RX300、平治M-Class同寶馬X5等等），嘗試一下挑戰另一種駕車嘅感受。
屬鼠和猴嘅車主，喺羊年屬旺桃花一族，如果未有女朋友或男朋友嘅車主，可以選擇購買較多花款或可愛嘅車種（例如Smart、豐田ist、三菱Colt同大發MiraGino等等），便能更容吸引異性、廣結良緣。
屬豬嘅車主今年有官非星，即表示易與別人發生口角同埋官非纏身；所以如果要購買汽車，可到有信譽商號或代理商購買。
屬蛇嘅人今年有驛馬星高照，即代表適宜駕車，所以今年會係買車嘅最佳時機；而未有車牌嘅朋友，亦可以選擇響今年考取車牌同購買新車。