專程返加拿大探望嫲嫲的謝霆鋒，昨日因為嫲嫲病倒而足不出戶，一整天留在家中照顧嫲嫲，而謝賢又指今次霆鋒返加不會一時技癢揸車，實行全心全意做個乖乖仔。至於四哥昨日則進行大掃除，為迎接羊年作好準備。
記者何永寧、羅德光溫哥華直擊
謝霆鋒日前專程到加拿大溫哥華，探望兩年多沒見面的九十歲嫲嫲，由於昨日溫哥華整日下雨，天氣忽然轉冷，氣溫低至攝氏五、六度，嫲嫲因一下子適應不來而病倒，霆鋒見狀惟有留在家中陪伴嫲嫲，認真孝順。
霆鋒父親謝賢是次除專程陪霆鋒返加探望嫲嫲外，還順道在年廿八前夕大掃除，親自打理家園。昨日下午，溫哥華雖然下着毛毛細雨，但穿上防寒靴的四哥在屋內屋外四處走動，一時修剪花草樹木，一時又清潔車房。四哥見記者天寒地凍在門口等候多時，遂向記者說：「你哋唔好等啦，成日落雨，嫲嫲好唔舒服，霆鋒留喺屋企陪嫲嫲，唔會出街㗎啦。」
儘管嫲嫲身體不適病倒，四哥卻透露嫲嫲見到霆鋒後十分開心，終日笑容滿面，四哥說：「霆鋒唔使買禮物畀嫲嫲，嫲嫲見到佢已經好開心㗎啦，因為嫲嫲好耐冇見霆鋒，所以今次一定要霆鋒返嚟見一見佢。」有說霆鋒今次返加主要是出席嫲嫲九十一歲壽宴，但四哥否認說：「嫲嫲七月先至擺大壽，霆鋒到時一定返嚟同嫲嫲慶祝。我今次帶埋菲傭過嚟幫手煮年夜飯，而我因為好耐冇返過嚟，呢幾日咪清理屋企。」
