郭晉安（安仔）和宣萱主演的無綫劇集《戇夫成龍》大收，無綫昨日更大搞祝捷會，由於《戇》劇成績理想，有報道指安仔獲無綫以八百萬高薪包起，不過他卻否認此事，並表示自己並不是獅子開大口的人。
郭晉安、宣萱及楊婉儀等，昨日在灣仔出席無綫劇集《戇夫成龍》的祝捷會，慶祝該劇上周播映結局篇時，平均收視高達四十一點，即約有二百七十萬觀眾收看，而《戇》劇每集平均收視更達三十七點，成為十二年來收視之冠。
安仔昨日大吃壽包和即場向幕前幕後工作人員派利是，提早慶新歲。問安仔何時跟女友歐倩怡結婚派利是？他說：「其實派利是都係講意頭啫，如果真正派嘅時候，我嘅心情可能唔一樣，可能會尷尬，都係𢭃利是開心啲。」
安仔飾演儍仔丁常旺一角十分出色，大有機會撼低有無綫一哥之稱的羅嘉良，而日前更有報道指無綫以八百萬高薪包起安仔，對此他說：「我扮咗阿旺呢個角色，除咗多咗人叫我做阿旺外，大家都成日摸我要沾旺氣，不過，我同公司未有傾新約，我鍾意一步步加上去，咁樣重開心，太快反而唔好。其實都冇話邊個砌低邊個，無綫每個演員都有實力。」
問安仔《戇》劇是否他的代表作？他說：「我覺得係里程碑，近日工作都接踵而來。初一我會幫公司做賀年節目，希望將歡樂帶畀觀眾。」
宣萱則表示《戇》劇為她帶來不少新工作，她說：「有啲廣告都未傾好。」而宣萱今年亦挑選桃花，希望行個桃花運，她說：「做咗《戇》劇之後，街上好多人叫我老婆仔，突然多咗好多老公仔，𠵱家愛情冇着落，有時見到朋友生仔同結婚都好羨慕。」
採訪：陳梅香
攝影：陳偉權
