羊年應節當然是食羊菜！例牌羊腩煲已經無新意，不過川味爆羊卷、漢方白切羊肉又覺得如何？這些應節又有創意菜式，全靠背後的廚師挖空心思，將自己平生所知所學發揮，甚至是在日本苦學回來的成果。
記者；陳冰麗 攝影：林麖鈞 ImageGirl：Griffin、Meg（ImagineLtd）
逢星期一至五刊出
創意這東西很視乎個人能力而定，即使你有無窮無盡的創意，但缺乏實踐的能力都只是空想。有差不多三十年經驗的黃文，他的創意是由工作的經驗中一點一滴累積下來。
有幸在半島酒店學習基本工，令他打穩了基礎，連他都覺得自己有點運氣。
＊1974年入行，先後於香滿樓海鮮酒家、樂富海鮮酒家做廚
＊1988-90年，半島酒店及到日本工作
＊1992-94年，先後到印尼耶加達開餐館、澳洲墨爾本工作
＊1995年初，回流香港，先後到過美心、逸東酒店任行政總廚
＊2000年，中菜館任行政總廚
「僥倖自己喺大酒店攞經驗，八十年代初，半島酒店中菜都頗有名氣，自己有得入去學嘢，心情有啲似中六合彩。」
大酒店的廚房無疑是少林寺般，令到黃師傅學齊所有基本功，這些功夫對他日後幫助很大，但雖則有齊所有基本功的黃師傅，此時還欠一些啟發，就好似武林高手一樣，任督二脈尚未打通。然而幫他打通經脈的卻不是人，而是另外一個國家──日本。
黃師傅憶述起十年前的情形：
「因為有朋友喺日本全日空酒店做，啱啱佢哋要搵香港中廚師傅過檔，透過朋友推薦咗我過日本幫手，話就話推薦，但係日本人揀人都好嚴格，除咗親自過嚟試菜之外，重要睇你外表夠唔夠Smart，問過去嘅工作經驗等等，最後至揀咗我同另一位同事一齊過日本。」
又再次證明他的基本功夫得到肯定。無可否認日本人的創意及合群性是香港人所缺乏，黃文在這段期間可以講是獲益良多。
「短短兩年生活，學到好多嘢，包括學到佢哋嘅擺設，工作態度，要有合群精神、對事嘅認真，做錯嘢，唔啱就要被打（咁誇張？），下屬亦樂於接受，佢哋服從性、自覺性好高……同早兩、三年前香港年輕一代相比，差好遠，話多兩句就話唔做，家陣市道低迷，搵食艱難，佢哋至比較聽話。」
講講吓師傅亦不自覺地將兩地青年比較一番，不難發覺香港新生代青年的質素實在令人歎息。
經過多年的工作，黃師傅亦悟出自己的一套哲學：
「覺得做任何事都需要變通，尤其係做粵菜，墨守成規無變化，客人都會有食厭嘅一日，所以我會盡量吸納其他人意見，再加以改良，間唔中都會同啲行家一齊食消夜，互相交流吓意見，一齊研究有乜新菜。𠵱家創作嘅羊年菜都係學外省菜嘅過程中諗出嚟，做到老學到老嘛！」
切雞試得多，白切羊肉還是首次試，一點也不羶，相反還夾雜多種難以形容之香味，訪問大廚後，原來羊肉加多種香料如小茴、西芹葉、花椒、八角、果皮等一同去浸煮，怪不得帶點香。
（下）芹香羊肉餃$38?打
以薄薄羊髀肉取代牛肉卷，以京葱煎熟，配以大廚秘製的辣醬蘸食，另有一番滋味。全港首創羊肉餡餃子，有芹菜粒的鮮香以中和羊肉的膩，口感很不錯。
電話：26250123
地址：西九龍海輝道11號奧海城一期高層地層33、35及36號舖
營業時間：11:00am-12:00mn、10:00am-12:00mn（初一至初三照常營業）
還有兩款有趣新奇的賀年菜介紹給大家，兩款都是以西式手法烹調，用的材料都是羊身上的特別部份，完全令你想像不到！食入口更好食到令你喜出望外。
用牛奶做嘅芝士食得多，但是羊奶做嘅芝士你多數未食過，重要是用來做甜點，肯定夠新奇。創作羊芝士官燕的大廚話：「羊芝士嘅味道唔會好羶，而且入口夠滑，為咗羊年應節，就創作咗呢個菜。」這個新嘗試很大膽，配上官燕變得更矜貴，加以生果確實不錯，每啖都感覺好新鮮。
是一個滋補養顏的甜品，最好要連同燕窩、桃駁李、羊奶芝士及杏仁碎一同食至感受到那種美味。唔好冷落旁邊的柑仔汁，其酸甜味道，誘發你的食慾。
地址：鰂魚涌太古坊華蘭路濠豐大廈2樓
電話：22505022
營業時間：11:30am-11:00pm（星期一至六）、10:00am-11:00pm（星期日及公眾假期）、11:00am-12:00am（初一至初三照常營業）
與甜品同一發音的楊枝甘露，查實是羊脂甘露，大廚借同音字但用的是西式材料，用羊脂的用意令羊柳更有味；甘露是指雅芝竹，炸後亦保持甜味。初看餐牌還以為自己睇錯，吃過後不得不佩服大廚的精巧心思。
將兩種材料用威化紙包住炸，大啖咬落，香脆的威化內層，充滿肉汁，慢慢流入口中，羊柳入口很鬆化、不油膩，感覺很好。
賣相好吸引的一個菜式，以燈籠椒做碗，焗熟後重可以食埋，一點也沒有浪費，內藏的羊柳，夾雜了香草香。
地址：九龍海庭道18號奧海城二期高層地下03號舖
電話：22734928
營業時間：11:30am-11:00pm（初一至初三照常營業）