【本報訊】保安局局長葉劉淑儀硬銷《基本法》二十三條立法的手法一直受外界批評，一向硬朗的她昨在商台節目《風波裡的茶杯》中一反常態，承認自己失言，特別是引述希特拉、酒樓侍應等例子，更加「唔講好過講」。
葉太承認，對自己在公開諮詢期的表現不滿意：「我同意我有啲說話可以講好啲，我對自己表現都唔滿意。」
對於曾引起外界猛烈批評的「的士司機、麥當勞賣漢堡包服務員、酒樓侍應不關心條文草案」言論，葉太同意不應舉這些例子：「我好抱歉俾人覺得我唔尊重佢哋意見，作為官員，當然係唔舉呢類例子最好喇。」
她曾引用納粹希特拉的掌權經歷，引證民主制度不是靈丹妙藥，葉太昨聲言以後絕不再提「希特拉」三字：「或者好似HarryPotter（哈里波特）咁用『theevilone』，話某人咁就算喇！」（註：小說《哈里波特》內，一般人不敢說出邪惡巫師「佛地魔」的名字，而以「那個邪惡的人」作代號。）
葉太又為自己用羊群心態形容參加反二十三條遊行人士辯護：「時裝都係羊群心態，我每日都羊群心態喇，今年興乜嘢我咪着乜嘢。」
對於葉太的表現，嶺南大學政治及社會學系副教授李彭廣認為是一種政治手段，不想再為二十三條添加紛爭。