CAPCOM上仗憑住《DevilMayCry》入面剌激創新嘅動作元素，成功再下一城，有口碑有銷量當然唔會俾佢停，新續篇啱啱趕得及農曆年假前推出。今日除咗介紹呢隻人氣Game嘅新元素外，重搵嚟製作獨家攻略本嘅小組，大談對呢隻Game嘅睇法。
記者、攝影：徐影龍
Cosplay：Areios
跟同是CAPCOM嘅《BioHazard》系列唔同，《DevilMayCry》賣嘅係豐富嘅動作元素，玩家可自行組合各式連技去消滅敵人，解謎要求反而唔高。嚟到新一集，動作一環將成更高指標，由於主角加入不少新動作，如多段跳躍或翻觔斗等，令連技組合更為豐富，爽快度因而提升，尤其係主角變身成惡魔後，攻擊威力及氣勢更為驚人，玩起上嚟零舍投入兼過癮。
畫面方面當然大幅強化，遊戲舞台亦比舊作擴大不少，當中某些地方更需要喺屋頂跳嚟跳去，找尋道具或出路等，可算再一次用盡PS2之機能。
雖然要爆機並不一定需要熟習高難度嘅連技組合，不過由於遊戲入面設有一項名為「StylusPoint」嘅設定，系統會根據玩家嘅攻擊模式給予一個分數，呢個分數成為爆機後段位確認嘅重要指標。換句說話講，即係主角殺敵時連技愈多，將會大幅獲得「有型」分數，從而攞到較高段位。據CAPCOM一向做Game作風，愈高段位將影響所能開啟之隱藏要素，所以玩家基本上可「求其」爆機，不過就真係浪費咗隻咁正嘅Game。
Cosplay潮流興女扮男裝，由八神到真‧三國無雙武將，都有好多女仔扮，而今次嘅Dante都唔例外。問到Areios玩Cosplay嘅苦與樂，佢話玩Cosplay一啲都唔簡單，淨係呢套衫就特登要返大陸搵師傅做，價錢為400蚊人民幣，重未計對鞋，不過為興趣冇計。
遊戲類型：動作＋解謎
對應機種：PS2
遊玩人數：1人
開發商：CAPCOM
咀APCOMCO.LTD.2003ALLRIGHTSRESERVED.
今次《DMC2》公式攻略本仍由《GAMEWATCH》所奪得，今日就專誠訪問當中兩位重要製作人福田及魚生，講吓製作呢本攻略本嘅感受同心得。
福田：「呢次係跟CAPCOM第三度合作，有過上兩次製作經驗，令次雖然時間更為緊迫，加上農曆新年須提早付印，不過都按時間表完成所有爆機條件及隱藏要素，算係開始掌握快速製作攻略本嘅要訣。而《DMC2》攻略本除咗會教大家點攞S等級外，排版風格上亦一反傳統，白色為主要底色，打破過往陰沉嘅風格，令大家耳目一新，呢點亦得CAPCOM所認同。目前已完成《GunSurivor4》嘅攻略，嚟緊重有CAPCOM另一重頭作《CHAOSLEGION》，雙方合作上已甚有默契。」
魚生：「令次係我第二次到日本製作攻略本，跟台灣行家相處一室，雖然各有各做，不過都經常有交換意見，較有趣係喺工作期間，另一邊遠在美國負責攻略本嘅單位，遇到某處難關阻礙而求助，為他人解決問題後令我感到好有滿足感。今次嘅高段位等級要求實在苛刻，若非日本寄嚟實際取分條件，一般人都唔知點攞高分，所以我夠膽講句，唔睇攻略本根本玩唔到五S級嘅段位！」
呢本由香港CAPCOM及《GAMEWATCH》製作嘅攻略本，除詳盡故事介紹外，重有甚為重要嘅「有型度」獲得方法，亦會披露各項隱藏事件，攞五S級必備手冊。$50