唔少日本女星上電視節目接受訪問嗰陣，都會被問到一啲三級嘅有味問題，有技巧嘅女星當然可以輕易又大體咁解圍啦，但有時有心出位嘅姐仔，就會講啲唔講啲，等fans同男主持心癢癢！
松浦亞彌同藤本美貴兩個試過喺音樂節目上自爆有「曖昧關係」，重好神秘咁話：「我哋兩個喺屋企會一齊睇電視，然後一齊沖涼！」
提到做藝人最煩係乜嗰陣，安倍夏美話：「最慘係唔可以去買內衣，你知啦，表演用嘅同平時着嘅size都唔同，買嗰陣店員重會好大聲咁讀你個三圍出嚟！」而SONIM則話：「我會自己去買內衣㗎，不過試過影封面只係着住件圍裙，咁咪去買乳貼囉。」
一向講嘢好大膽嘅米倉涼子，有次被問到對海嘅回憶時，佢竟然話：「我淨係記得試過俾大浪沖走咗我件比堅尼，不過淨係上截咋！」
身經百戰嘅優香，宣傳新片時曾經俾人問有冇試過同情人鴛鴦浴，佢話：「兩個都唔怕醜嘅話都好吖！」主持人打蛇隨棍上，問佢會唔會喺情人面前逐件衫咁除，優香都話冇所謂喎！