海關噚日舉行年結記者會，點知差啲釀成爆炸事件。當記者會進行咗大概一小時，海關關長黃鴻超答答吓問題時，有記者突然大叫：「壞咗！」原來海關提供畀記者錄音嘅器材失靈；咁關長就轉咪繼續啦，講唔夠一句，記者又大叫：「壞咗！」結果經過三次記者叫停，關長先至可以講完一句說話。
點知，一句說話後，音響器材終於「頂唔順」，又再次失靈。記者紛紛走埋去睇吓究竟乜事啦，突然有人話聞到「囗」味，跟住本來圍埋嘅記者即刻向四面散開。關長見狀重開玩笑，大叫「火燭喇！」最後經現場工作人員搶修先搞掂番套器材。
（圖）海關年結記者會上畀記者錄音用嘅儀器突然失靈。
傳真︰2623-9278
電郵︰