何韻詩近日常在好友葛民輝開設、位於北角的DoubleX公司內的band房玩樂器及練歌，雖然阿詩並非band房老闆，但她對這間band房感情甚深，她日前趁着年近歲晚，特別為band房洗邋遢，幫阿葛做阿四。
阿詩先以毛巾抹玻璃窗及樂器，又用雞毛掃掃塵，還替放在大堂的怪獸雕像抹塵和在走廊掃地，之後便在樂器上掛上賀年飾物，為band房增添過年氣氛。
阿詩笑說：「雖然間band房唔係我嘅，但過年過節都要執吓啦。以前我未搬屋，住得比較近，成日都上嚟，𠵱家就少咗啲囉。」
阿詩續說：「我冇請工人，所以一有時間，我都會留喺屋企執吓嘢，過年我會同屋企人出去拜吓年。」
採訪、攝影：朱芷瑩