一年一度大掃除的日子又到，方力申、陳文媛、何韻詩和楊嘉雯均把握時間清洗個人物品，迎接羊年的來臨。方力申除把在樂壇頒獎禮和游泳比賽所得的獎項抹乾淨外，又清洗逾百條陪他成長的幸運泳褲。
方力申雖然患有鼻敏感，但每逢農曆新年前，必定會跟隨習俗，將自己家中的珍藏清洗一番，尤其是陪他成長的泳褲。
方力申日前將家中珍藏的百多條泳褲一一洗淨。他先把洗衣粉開成皂水，在洗潛水鏡時竟然玩吹肥皂泡，他天真地說：「你睇吓，真係吹到個波出嚟㗎！」
面對一大堆泳褲，方力申說：「其實呢啲泳褲有啲特別有意義。記得有條泳褲我喺十二歲着過，我曾經以為佢係我嘅『幸運褲』，有一段時間着住佢都成日贏，兼破項目紀錄，但係輸過一次就唔再信喇！𠵱家諗番都好得意。而粉紅色嗰條平腳泳褲，係安仔（許志安）送畀我，雖然我唔夠膽着，但係我好珍惜。」
方力申亦將所有在泳壇和樂壇奪得的獎座洗刷一番，他說：「呢啲獎代表咗我努力嘅成果。今年我會主力發展音樂事業，呢啲獎係提醒我要繼續發憤上進，唔可以鬆懈。」
另外，方力申每個農曆新年均與家人返北京鄉下探親，今年卻要在港度歲，他說：「細佬就快考A-Level，佢想留喺香港溫書媽咪又唔想剩低佢一個，或者會過完年先返去。」
採訪：王連連
攝影：甄朝健
