賀年髮型紫紅駁髮最應節

就快踏入新一年，人人都想有個好開始。不過，萬事起頭難，要從人生大事上改變，並不是話改就改咁簡單，但是外表就肯定可以由自己話事。在來年可以先從一頭秀髮開始，弄個新造型之餘，再玩埋駁髮新形象，不但令自己有點新氣象，也讓人家拜年時有個驚喜。
記者：羅惠芬
攝影：陳穎、林栢鈞
ImageGirls：Gloria、Vicky
化妝：JackelineLau

有型辮仔
年過20的女仔，總以為自己開始步入了一個成熟階段，不輕易再弄點新意思。其實要玩花款有很多方法，毋須一定好誇張。以玩駁髮為例，也可以利用假髮的顏色，將造型玩得含蓄一點。今次選的紫色假髮，顏色並不太搶眼，適合外形帶點Cool味的女孩子，新年跟朋友去Wet就最啱。

造型工具推介
左：塗一點Catwalk的Catfight在辮尾部份，可以營造凌亂及立體感，增加狂野味道。$138莎莎

右：L'Oreal的OutOfBed，可製造凌亂感覺，塗在頭髮尾就最適合不過。$42.9Watson's

可愛小髻
新年梗係要用個開心Look示人啦！紮兩個可愛的小髻，感覺就夠晒Cutie，夠晒開心！為免流於老套，可以將兩邊髮髻梳成不規則形狀，如邊高邊低，或邊大邊細。另外，在髻尾放下數條頭髮，都可以增加可愛味道。

造型工具推介
盤髻仔一定要事前噴定型產品，才不會將髮髻弄散。
左：L'Oreal的FXGel'OWater，性質與水非常相似，不會令頭髮顯得硬繃繃。$39.9　
Watson's

右：VO5的創意定型噴霧，只要在完成造型後輕輕一噴，就可以固定髮型。$29.9　　萬寧

顏色好重要
AnsonTse，TripleEdge的LeadingStylist，說賀年髮型其實好隨意，反而顏色更緊要。「農曆新年係喜慶事，要玩駁髮就梗係要揀又Sharp又好意頭的顏色，紅、紫兩色就係最好的選擇。」