二十二歲的葉璇和十九歲的男子組合Shine成員黃又南，日前到上海拍宣傳片，二人在短片中扮演情侶。下月十四日，他們還會一起到郵輪上拍攝，共度情人節。
葉璇和二人男子組合Shine的成員黃又南日前到上海，為麗星郵輪拍攝宣傳片，二人在短片中飾演情侶。劇情講述Shine的徐天佑和黃又南到郵輪上消遣時遇上葉璇，又南對她一見鍾情。他更尾隨伊人在上海落船，結伴四處瀏覽，展開浪漫之旅。
葉璇和又南首次合作，她大讚又南性格開朗，葉璇說：「又南雖然只係得十九歲，但係佢好識搞氣氛同照顧人，同佢合作拍嘢真係冇冷場。最記得有一場戲講我哋鬥食葵花瓜子，又南好儍咁將啲殼都食埋，我咪即刻阻止佢，因為食瓜子殼會好傷胃。」
拍攝期間趣事何止一件，葉璇說：「我哋一齊去拍吃喝玩樂片段，有一場戲講我沖八寶茶，因為茶壺嘴好長，我控制得唔係幾好，結果沖到成枱濕晒，都好論盡吓。本來我同又南都冇諗住坐濕咗嘅位，點知咁啱要移位，又南被迫坐喺個濕位，都好尷尬。」
下月十四日情人節生日的葉璇屆時會跟Shine再上郵輪取景，她說：「雖然喺工作中度過，不過有Shine陪我都好開心。」問葉璇擇偶可會選擇年紀較細的對象，她說：「我比較喜歡大我一、兩歲嘅男仔做我男友，不過年齡之外，我覺得大家性格最緊要接近，咁樣先啱傾。」
採訪：比華利
