雖然新一代本田Accord尚未正式抵港，但由廣州本田車廠製造嘅新一代Accord卻已正式開售；新車除以美國版Accord為基礎，以及配用一台2.4公升i-VTEC引擎外，並經過強化改良，以適合中國大陸嘅路面環境，售價為259,800元人民幣，其他型號如2.0公升版本及3.0公升V6版本，亦預計分別會於2003年3月及2004年4月正式推出，而廠方亦預計今年將會售出70,000部新版國產Accord。廣州本田由1999年3月起開始生產Accord車系，至今製造及售出嘅車輛數目約為139,000部，而當新一代型號推出後，廠方相信Accord嘅銷量會有所上升呢！
另外，廣州本田繼去年4月將Odyssey加入為生產項目後，響今年夏天亦會加入生產Fit嘅四門房車版（即日版FitAria），並預計該廠嘅年產量會由今年二月嘅120,000部，遞增至2004年春季嘅240,000部，從而可見廠方係幾咁雄心壯志呢！重有就係廠方亦會將原有約140個嘅銷售點，增加至今年底嘅200個，以增強廠方旗下嘅銷售網絡呢！