全中國有八、九百萬失明人士，當中四百萬人因為患有白內障，一百萬人就係角膜有問題；以香港嘅醫療水平，大多數病人幾日就可以醫好，奈何內地資源缺乏，全國只得二萬三千個眼科醫生，所以培訓工作刻不容緩。
八方聽聞，中文大學名眼醫林順潮剛獲委任為汕頭大學「聯合汕頭國際眼科中心」院長，接替唐慧明教授，協助內地搞培訓，同埋推動捐角膜活動。呢間眼科中心，附屬於汕大醫學院，得李嘉誠基金捐咗七千萬人民幣，係華南設備最完善嘅眼科醫院之一。林教授話希望改變內地人觀念，等更多人捐贈角膜，令更多人復見光明。
傳真︰2623-9278
電郵︰