息影女星劉香萍及其女兒貝安琪昨日往中環，出席英國護膚品牌Boots的宣傳活動。劉香萍表示會與女兒於大年初一飛返美國，她說：「之前會同啲長輩拜年𢭃利是。」
劉香萍一直落力協助女兒發展星途，她自稱手上已有一個寫好的劇本，更有美國電影公司願意投資一千五百萬美元（約一億一千七百萬港元），她說：「呢個budget可以搵荷李活一線男演員做主角，人選𠵱家重搵緊。我個女就梗係做女主角啦，套戲個主題係關於跳舞嘅。」
問貝安琪為打入國際影圈忙個不停，是否沒時間拍拖，抑或所有追求者都要過母親這一關？劉香萍即說：「𠵱家呢個年代重邊有阿媽阻止個女拍拖㗎？𠵱家有飛機、有e-mail，佢要拍拖我一定阻止唔到嘅。」
採訪：DebbieLum、JessicaNgan
攝影：JerryYan