中環機場快線香港站設計充滿現代感，估唔到其中一個角落，新春期間會展出傳統嘅春聯。噚日八方經過香港站L1層，發覺「e-藝術空間」同「歐羅咖啡室」合辦「春聯迎新歲」展覽，原本冷冰冰嘅現代化商場，增添唔少熱鬧氣氛。今日重會有幾位書畫家，包括余世堅、徐子雄同郭孟浩坐鎮即席揮毫，展覽由今日起到二月八日。
八方同啲藝術家傾開，原來唔止特首同商界要講珠三角融合，連藝術界都要北望神州，近年北京、上海、廣州等地都多咗好多藝術展覽機會，只要寄上作品，就可以同內地行家溝通交流。
（圖）行為藝術家郭孟浩（中）即席寫春聯送畀街坊。
傳真︰2623-9278
電郵︰