政府弱勢，高官俾議員鬧好常見，但高官鬧議員就好耐冇見，噚日立法會工務委員會開會討論西部通道及后海灣幹線，環境運輸及公務局局長廖秀冬就怒批議員「議而不決」，阻慢工程，為一眾官員出番一大啖氣。
冬姑點解咁「夠泡」？八方聽到一個故事。話說深港西部通道要起，但點接駁涉及好多利益，究竟起十號幹線、后海灣幹線定東幹線？每條線點駁法？爭議好大；前局長吳榮奎就搞到一頭煙，事關喺成件事背後，有一間S公司喺度發功，呢間公司，三大黨都要畀面。
但冬姑同S公司交情極佳，八方聽聞佢親自講掂咗S公司大老闆，請佢哋以大局為重，於是大老闆一聲令下開綠燈，咁局長就王牌在握冇有怕，所以連尊貴議員都敢得罪。
傳真︰2623-9278
電郵︰