逛花墟變簽名會冇手軟
黃凱芹被當蔡楓華激氣！

黃凱芹（Chris）日前特別到花墟買年花，吸引途人向他索簽名。其間一名花檔檔主竟認錯他是蔡楓華，對他大叫「KenChoi」，令Chris聞言好氣又好笑。

黃凱芹自移民加拿大後，已有七年沒在香港過農曆年，今年他特地留在香港感受過年的新春氣氛。他日前到花墟買花時，卻發生笑話，當日Chris走到一花檔揀花之際，不少市民認出他，紛紛上前向他索取簽名，此時花檔檔主竟突然像發現新大陸一樣，對他大叫一聲：「KenChoi（蔡楓華英文名）呀！」

對花卉甚有研究
Chris聞言即好氣又好笑，睜大雙眼問檔主：「你叫我乜嘢呀？」Chris說罷卻忍不住大笑，花檔檔主則尷尬地頻向Chris道歉，Chris說：「我冇唔開心，覺得好搞笑，竟然當我係蔡楓華，我咪乘機整蠱佢，要佢講一次我個名先幫佢簽名囉，大家玩吓啫。」
Chris當日揀花揀得相當開心，原來他對花卉甚有研究，皆因他在加拿大時已開始對種花產生興趣，Chris說：「我喺加拿大間屋門口種咗好多唔同類型嘅鮮花，以前啱啱學種嗰陣有好多烏龍嘢發生，我上一手業主種咗好多珍貴品種嘅花，點知我一搬入去唔識寶，就鏟晒啲泥出嚟，嘥晒！」

下廚煮蘿蔔糕
Chris還表示加拿大過年氣氛不及香港熱鬧，但傳統過年食品還是有的，他最愛自己下廚煮蘿蔔糕及年糕，不過因怕肥膩，每次都不敢落太多油。