搞飲食不再是男人的專長，女人都可以撐起半邊天。兩位女性各自開素食店，她們同樣遇過前所未有的困難，但最終都能一一克服。其中信奉天主教兼對廚藝一竅不通的李小姐，便能把齋館搞得有聲有色，而且甚獲食客好評。
記者：陳冰麗
攝影：陳盛臣、陳智良
大部份的素食店都會是由佛教徒所開，店內放滿佛像及經書，一切都似是順理成章。然而踏入李小姐的素食店卻有別於其他，沒有太多佛像及經書，反而好像一間普通的食肆。
開素食店的她原來不是佛教徒，反而是信奉天主教，不單止她，連家人都是天主教徒，舅父更是天主教神父。為何她會開素食店，就是同一個「緣」字有關。
「喺二千年初一次偶然嘅機會下，透過朋友而認識咗一位為推廣素食嘅慈善家陳生，佢邀請我做素食館嘅老闆，重希望透過開素食可以為非牟利團體提供優惠。」
李小姐續說。
「我有啲動搖，但又有啲擔心，因為屋企係信天主教，我覺得會有衝突，於是我向陳生表明立場，要求以無宗教形式做素食，點知佢好樂意咁接受，再加上我舅父嘅鼓勵，佢點醒我話做慈善無分宗教信仰，最後我就接手呢份工作。」
原籍上海人的李小姐，未開素食館前原來是做時裝，第一次接觸飲食行業，不擅煮食的她，心理壓力都相當大，但她亦有自己一套的管理技巧：
「我請人好簡單，唔要求外表要靚、學歷要高，但個人一定要有愛心、有合群精神，重有就係唔可以食煙、唔可以喺工作時間賭博。試過之前有個大廚喺工作時間賭馬，我當日就炒咗佢。」
聽落好似好絕情又無人情味，原來背後另有用意，員工之一阿娟就說：
「李小姐其實對我哋員工好好，出糧例必有早無遲。佢唔准員工喺工作時賭錢，只怕會拖延工作。佢唔准人食煙，我第一個贊成啦！禁煙之後大家都覺得空氣清新咗，其中有個廚師更因為唔可以食煙之下戒甩咗煙癮，重要多謝李小姐咁話！」
李小姐認為素食對健康有益，有人誤解食素好肥膩，自己亦親身體會過。
「去過其他素食館試人哋菜式，自己心諗若然做出咁油膩菜式，食客必定又會好似我咁唔會再幫襯。」
李小姐就是本着將心比己的心態，將自己代入食客，做素菜要以不油膩為大前提，以新鮮料入饌，期望令顧客知道醫食同源的好處。
鴻運當頭（京都素排骨）$45?8件
又是一款極真實的肉食菜式，咬落帶點韌度，質感似模似樣，配以秘製過的酸甜汁，味道出奇匹配。
年年有餘（泰式明爐魚）$78
用了紫菜及腐皮做成鱸魚的外皮，再以腐竹、冬菇、金菇等作為魚身內的魚肉，食時絕對不會有被魚骨鯁親的危機。
乾坤轉幸運（太極翅）$136?窩或$22?位
無加味精、無色素的一個有「營」翅，當然魚翅是粉絲，橙綠對照的湯羹則分別是以新鮮菠菜及新鮮南瓜所做成，啖啖都是蔬菜的原味，加入雲耳絲，令口感更佳。
將軍素食
地址：將軍澳毓雅里九號慧安商場1字樓B136
電話：21771836
營業時間：11:30am-10:30pm
座位：200個
付款方法：現金或信用卡
至於另一位麗姐（陳太），當初亦沒有想過自己會開一間素食店，而且深受街坊的支持。她開的素食店採自助形式，你會見到人人都入內即自己舀湯飲，食完後也自己執拾碗筷，然後放低錢就走，大家互相信任，儼如一家人。
麗姐九七年正式由順德來港定居，來港後第一份工就是在船街的一間齋舖打工，亦是她與素食有緣。麗姐甜絲絲說着：
「由打工做到開舖，老公最初都反對，佢認為我一個女人做會太辛苦，冒險性又大。但我做嘢一係唔做，一做就唔能夠中途放棄，最終都無理會老公反對……初初係有啲辛苦，但發覺愈嚟愈多人鍾意食我煮嘅嘢，嗰種滿足感已經令我忘記晒一切辛苦，捱唔緊要，最緊要𠵱家有老公、仔女嘅全力支持。」
雖然陳生口口聲聲反對老婆開舖，但其實心裏還是最疼錫老婆，每日五點收工後必到舖內幫手，怪不得麗姐愈做愈起勁，毫無疲態。麗姐主理的素菜賣相雖然一般，沒有大菜館花巧伴襯物，但勝在夠家庭Feel，味道清淡價錢平，無肉不歡的我也為之改變口味。
財源滾滾來（炸雲吞）$25?10粒
雲吞內是全素餡料，有爽脆雲耳、甘笋，亦有帶香冬菇等等，沒有肉在內，食落反而更清爽。
多寶齋
地址：灣仔太源街45號
電話：23323985
營業時間：8:00am-10:00pm
座位：60個
付款方法：只收現金