【本報訊】外貌嬌滴滴的環境運輸及工務局局長廖秀冬，昨日與立法會議員討論深圳西部通道工程撥款時充滿火藥味，她批評說：「香港畀到大珠三角嘅整體印象，係做嘢特別慢啦，所有嘢都決定唔到……政府唱獨腳戲，做完返嚟就個個都唔肯支持。」
立法會財務委員會工務小組昨日討論深港西部通道及后海灣幹線計劃撥款，涉及工程費用共達七十七億八千多萬元。會上多名議員發言，他們普遍支持興建西部通道，亦認同有關計劃對香港經濟有利，但擔心一旦建成西部通道而地區上未作好配套，將令屯門及元朗一帶造成嚴重塞車。
其中民主黨議員黃成智要求政府必須顧全屯門及元朗一帶居民的利益，並建議收回計劃，先做好全盤的規劃才提交立法會，馬上惹來廖秀冬反駁。
她強調興建深港西部通道對香港整體發展重要，「香港經濟發展係最大嘅前提，無論你貨車司機，屯門居民都好，如果冇生意做，香港經濟一路咁冧落嚟，有路都冇車行。」
廖秀冬再指出：「香港畀到大珠三角嘅整體印象，係做嘢特別慢啦，所有嘢都決定唔到，同埋有時我哋𠱁人哋做嘅時候，我哋個社會都冇共識，政府唱獨腳戲，做完返嚟就個個都唔肯支持。我相信呢個唔係議會嘅意向，亦相信議員今日唔會採取呢個態度。」
她承諾會和三號幹線公司商討調低收費，吸引貨櫃車司機使用，以紓緩新界西北交通問題；另外，她又向議員承諾會認真研究興建東行連接路，將西部通道及后海灣幹線的車輛着地後，可取道連接路往東行，減輕屯門公路的負擔。整個討論歷時逾兩小時，最終獲得通過撥款興建。