返到深圳我最鍾意行電器舖，最近我就發掘到其中一間，居然有專為小朋友設計嘅動物雪櫃仔，睇得又用得！
記者：黃希知攝影：林監琛
小朋友雪櫃款式都有好多，好似熊貓、哈巴狗、企鵝、北極熊同男仔至愛嘅超人都有，每個雪櫃除咗基本功能之外，重可以養埋電子寵物，有十種任你揀嚟養，如果養得唔好或者虐待佢，佢就會播首歌鬧你跟住會離你而去，又幾過癮喎！但我就覺得最好都係有音樂提示，門一打開就會響起音樂，用嚟監視屋企班為食鬼就最啱！
始終係小朋友雪櫃，所以間隔較簡單，以方便為主，最頂有一個四格轉盤，轉動同抽屜式設計可以將唔同食物分類，乾淨又企理。
順電
電話：(86)75583272999
地址：深圳市華強北路上步工業區103棟