新年新開始，李彩樺（Rain）趁着農曆新年前送舊迎新，特別到騰龍墟辦年貨，精打細算的她，五十元便買了三個新潮紅白藍大袋，取其「代代平安」的意頭。
李彩樺日前到騰龍墟辦年貨，她抵埗後第一時間到一些售賣購物袋的攤檔參觀，希望搜括一些實用的新款大袋，取其「代代平安」之意。結果阿Rain只用了五十大元，就買了三個超大的新潮紅白藍購物袋。
阿Rain興奮地說：「梗係要買袋啦！去旅行、登台、公幹都啱用，而且款式又多，尺碼又齊全，同其他一般紅白藍袋唔同，袋衫又得，袋錢又得，梗有一個合用！」店主亦非常識做，一於買大送細，讓阿Rain買得多袋得更多！
過新年着新衫，貪靚的阿Rain取意頭之餘，亦趁機買件新衫過年，經千挑萬選後，她最終買了一件適合的外套。此外，阿Rain不忘狂擦墟內的美味小食，大吃燒雞、魚蛋、炸雞髀、豆漿、夾餅及棉花糖，只見阿Rain樣樣都試，可算十分為食。
有fans見到阿Rain，難掩興奮之情，即時湧到她面前索取簽名及拍照留念，阿Rain亦來者不拒，滿足所有fans要求。阿Rain最後說：「我希望出年羊年多啲工作，心想事成，最緊要身體健康啦！」
採訪：楊潔雯
攝影：何國豪
