我羅拉覺得俗語所謂畫蛇添足同吃力不討好，完全可以喺Morning娘身上表現晒出嚟，佢哋由五年前好好哋一個五人女子組合，經歷多次人數嘅加加減減，最近重再次破紀錄增加到有十六個人。 Morning娘之父TSUNKU前日又忽然話，因為人數實在太多喎，所以好難同fans近距離接觸，所以今個秋天成員保田圭走咗之後，會將成隊十五人Morning娘斬成兩截，分別叫做櫻花組同乙女組！真係神又係你，鬼又係你囉！啲隊名重改得好鬼娘㖭！