笑住過年
重有幾日就係農曆新年，大家買咗賀年產品如揮春、對聯及利是封未？由本地創作嘅卡通人物「豬扒家族」亦趁農曆新年來臨，一班成員化身成巨型揮春、對聯及利是封，更有中式style嘅毛公仔，全部都趣致可愛，買嚟掛喺屋企或送畀小朋友就最正。
記者、攝影：梁煒健
毛公仔又點會少得豬扒及其女友碧琪呢？呢對毛公仔高9吋，主角豬扒就着上一套中式馬褂，頭戴卜帽，十分神氣。而碧琪則着上一套好有中國女人味嘅長衫，頭上飾物重做得好別致㗎！相信即使大人一樣會喜歡呢對公仔。
尺寸有18吋×18吋嘅四方形揮春，啱晒掛喺大門口，何況豬扒及碧琪嘅漫畫畫得好趣致，又有祝福語「財源廣進」，係人見到都會望多幾眼。
電話：25772231
地址：銅鑼灣告士打道280號世貿中心3樓P308號舖