酒店業主聯會主席呂志和推動本港酒店業發展不遺餘力，捐錢成立「香港中文大學?康乃爾大學酒店及旅遊管理學生交換計劃呂志和博士獎學金」，等班學生可以拓展國際視野，吸收唔同地方嘅經驗同知識，為投身業界作好準備。
八方噚日出席呢個獎學金頒獎禮時同呂志和傾開偈，佢話早於董特首九七年上任之後，就已經向董生進言，建議喺香港大力發展展覽、博物館、大運動場同大歌劇院，以推動本港旅遊及酒店業發展。
呂志和又唔同意有人批評香港酒店收費昂貴，趕走內地旅客；佢重披露堅料，就係三星級酒店一晚先至係收三百蚊左右，比上海、北京重平！
（圖）呂志和（右）同一班學生喺儀式後傾偈。
傳真︰2623-9278
電郵︰