年年施政報告特首都話講要綠化香港，今年行咗問責制，真係唔講得笑，施政報告重訂埋目標，要「促使各部門通力合作，並考慮專家的意見，在本港推行全面的綠化計劃。」
於是噚日民政事務局坐言起行，嗱嗱聲成立「社區參與綠化委員會」，由常任秘書長李麗娟做委員會主席，海洋公園、嘉道理農場、建築師學會等團體都有代表加入。噚日第一日開會，重請埋民政事務局局長何志平捧場，順便頒贈禮物，就係一人一盆大紅花，散會時個個成員包括譚惠珠等都人人捧住盆花去搭𨋢，都幾搞笑。
傳真︰2623-9278
電郵︰