老愛國雲大棉喺新一屆政協名單中被飛出局，好多人都將矛頭直指董建華，話佢小器，因為雲大棉成日推薦其他人做特首，又不遺餘力狠批八萬五。
豈料呢位老頑童噚日主動致電各大報館，為阿董伸冤；佢話今次下馬絕對唔關老董事，而係國家同黨嘅事。
雲大棉話自己冇份都覺得好突然：「我問自己，點解為咗國家為咗黨，咁多年做咗咁多嘢，佢哋咁對我？」聽講雲大棉就此第一時間向北京反映同查問，佢話自己有定時向中央交報告，可能真係得罪咗中聯辦副主任鄒哲開。
有延安背景嘅雲大棉咁多年做咗啲乜嘢？就係為中國山區起咗一百零八間小學，全國有乜水災、旱災、冰災佢都有份去救。
至於佢成日倒阿董米，講埋啲唔啱聽嘅野，佢就好有信心共產黨可以容納不同意見，又話唔怕死，會繼續同壹傳媒嘅記者講嘢。
傳真︰2623-9278
電郵︰