中國人特別重視農曆新年，屋企點都要放啲賀年裝飾點綴一下。經常返深圳的我，當然因利乘便，藉機喺深圳買啲賀年裝飾品。講真，深圳嘅賀年裝飾又真係比香港嘅有特色，選擇又比香港多，最緊要係價錢平過香港一大截，吸引唔少香港人專程去入貨！
記者：歐嘉荃 攝影：林監琛
ImageGirl：Mon
行勻全店，我覺得呢個超巨型嘅金菠蘿最正，店員阿如話菠蘿有招財進寶的意思，夠晒意頭。全個菠蘿用上鍍金的膠錢幣串成，錢幣亦穿上透明綠色的膠製星星扮玉星，再加上膠菠蘿葉，的確過癮！
第一次見到呢棵桃花覺得幾搞鬼，每朵花的花芯是一束發光的光纖，光纖會不斷又着又熄，夜晚熄咗燈睇就更加靚。桃花除了曉閃燈外，其樹的形狀重可以任你屈曲。
「我最鍾意呢串炮仗，頭先聽到啲炮仗聲，大聲到要掩住耳仔。」華女講嘅大炮仗，只要按一按遙控器，炮仗就會「嘭！嘭！嘭！」發出聲響，最尾嗰幾個炮仗重會閃吓閃吓。
顧客直擊
本地人阿萍：「新年梗係買賀年擺設應應節，我今次買啲金色嘅裝飾，覺得呢度啲賀年用品都好齊全，價錢都算實惠。」
港客黃小姐：「今日專登和同事嚟深圳買賀年用品，主要買啲揮春同擺設布置公司，呢度啲擺設價錢平過香港好多，一個布揮春先賣?6，好抵！」
永新新年超市
地址：深圳市東門鴻展商城地舖J01號
電話：(86)75525806361
華利行
地址：深圳市東門步行街月明樓首層3號
電話：(86)75582232503