張學友前晚在紅館舉行尾場演唱會，梅艷芳、上山詩鈉、陳百祥及黃杏秀均有捧場，而學友更由紅館所限定的十一時三十分完場，超時唱到十一時四十五分，故此被紅館罰錢。
前晚學友唱至《月半彎》一曲時笑說：「我每次同太太（羅美薇）睇到呢個以前一齊拍嘅嚇人MV都會好驚，瞓唔着就梗睇到嘅。」此外，又有一名女子上台向學友遞上紙條，他看畢即說：「呢個係我細妹嚟㗎，佢叫我記得返屋企食團年飯。」
表現感觸的學友又說：「雖然我唔想完結，唔知幾時會再喺紅館演唱，但今晚嘅回憶我一定記得。」學友其後在紅館後台進行切蛋糕儀式，對於有傳學友在新年後會離開上華唱片公司，加盟黃柏高的金牌唱片公司，他聞言即說：「未聽到喎，可能我去完旅行返嚟會聽到啦。」