雖然香港車市重有好多不明朗因素困擾，但睇嚟仍有唔少代理睇好前景㗎！繼早前亞Mark披露過話農曆年過後，現代部Getz、福特部高性能版本FocusST170會相繼登場之外，嚟緊2月中又有部奧迪配備半自動波嘅TTCoupe正式面世，而且代理重會隆而重之，響中環蘭桂坊搞Launching㖭！然而，響去年下半年推出全新SUV嘅Forester，有唔錯口碑嘅富士代理，亦有計劃響2月下旬，運嚟全新款Impreza車系；惟亞Mark所知代理策略有變，標榜Impreza高性能演繹之餘，重會以頂級豪華裝備作賣點，以吸引有品味、兼且有高消費力嘅用家嘛！有興趣嘅車迷，就要拭目以待喇！