噚日係民建聯維園年宵攤位開幕，但竟然上演咗一場「民主黨、民建聯口水大戰」，唔通民主黨人咁大膽去踩場？
話說開幕禮請到民政事務局局長何志平做嘉賓，不過何局長話到又唔到，最後搞到遲到，咁喺等何局長期間，曾主席等到百無聊賴，童心大發玩起攤位售賣嘅發聲公仔「開心吱喳」。呢個公仔每個只賣五蚊，一開口就會伸長條脷吱吱聲尖叫。
曾主席愈玩愈開心，一個公仔唔夠玩，後來一隻手一隻公仔打對台，重玩到大叫：「民主黨對民建聯！」
何局長去到維園之後都要買番隻「開心吱喳」，佢話唔係畀個女玩，而係帶隻公仔去立法會，代自己接受議員質詢喎！ 黃建通攝
傳真︰2623-9278
電郵︰