廣告多數係憑空想像，但有時想像都可以成真，新世界傳動網就係例子。八方噚日去尖沙嘴新世界萬麗酒店參加該公司春茗，新世界傳動網特別情商酒店大廚，炮製之前喺「私房菜」個廣告出現過嘅「鮮奶貴妃雞」畀大家品嘗。
好老實咁講，八方因為唔係咁接受用鮮奶去蒸雞，所以畀晒隔籬位行家食，但據傳動網行政總裁衛鳳文講，「味道唔錯！有雞嘅鮮味得嚟又有奶香」；若有讀者想知呢味餸到底點煮，不妨聯絡傳動網，八方就唔識整。
（圖）新世界傳動網行政總裁衛鳳文向八方介紹呢味鮮奶貴妃雞。
傳真︰2623-9278
電郵︰