好多公司為刺激產品銷路，都會搵個明星幫吓手做代言人，香港最常見嘅當然喺纖體公司。原來國內公司亦一樣有呢個風氣。
八方噚日睇內地報章，知道內地第二大流動電話經營商中國聯合通信，搵咗喺NBA威風八面嘅中國籃球明星姚明，擔任聯通CDMA形象代言人。據業界報料，聯通喺農曆新年期間，會有排山倒海嘅宣傳攻勢喺國內推出。
據悉，姚明一紙合約代價不菲，至少有三千萬人民幣（約二千八百幾萬港幣）以上，聯通就認為物有所值，因為七呎五吋高嘅姚明，舊年第一年加入NBA，就獲選為明星賽西岸正選中鋒，正如聯通舊年進軍CDMA市場，就即刻可以站穩陣腳。聯通最希望CDMA上客嘅成績同姚明一樣，大獲好評啦。
傳真︰2623-9278
電郵︰