就快放假喇！忙足一年，終於有機會唞番吓，所以除了肚皮之外，過新年要大吃大喝才對得住自己。中國傳統節日裏，要數新年的應節食品最包羅萬有，不同省分的新年菜都各具特色，其中四川人過年就一定走唔甩食肥扣肉。
記者：邵超
攝影：周旭文、梁世權
四川地大物博，好東西吃之不盡。錦江菜館的張先生本身是重慶人，談起家鄉新年菜如數家珍，刁鑽程度引得人口水直流。
將一隻大肥雞炸到脹卜卜，確實有點似燈籠。試過味道，辣汁勁開胃，食完雞順便用來撈飯都唔錯。
「鄉下過新年，一圍菜食完八小碟同花拼嘅頭盤，跟住上頭湯，再嚟主菜係五至六碟熱炒，炒、炸、燴、燉要分先後上菜，重有甜菜，之後要上二湯、點心，最後係食飯加餸，通常係泡菜、炒芽菜等。富貴啲嘅會食得更加豪華。」
張先生指自己家中過年，通常不會吃得太刁鑽，但不能沒有至愛的甜燒白。燒白即扣肉，有多種食法，張先生每次都抗拒不了誘惑而吃不停。捱足一年，張先生最珍惜跟所有員工吃團年飯的機會。
「咁多年嚟我哋團年都係食消夜，等到客人走晒，就可以好安樂咁食番餐飯。大家都玩到好開心，但因為師傅都要食飯，所以通常頭幾味餸重熱，之後都攤凍晒。」
一層層炸過的豬腩肉下面是甜豆沙糯米，講到明係甜菜當然係甜，最奇係回味的時候會感受到一股鹹味，張先生話鍾意食豬肉的人會好似佢咁食唔停口。
錦江菜館
地址：尖沙嘴北京道53-63號地庫
電話：23673434
營業時間：11:00am-11:00pm
上海由古時到現在都係中國最有錢的城市之一，過年例必大魚大肉，年三十（今年即年廿九）晚吃到年初三也吃不完。留園飯店的劉先生說上海人食新年菜講意頭：
「初一早餐必定係芝麻湯圓，團團圓圓，以前重會加豬油。重有，一定有魚，上海人興唔食晒全條魚，放過年，有魚有餘嘛！」
這道新年重型菜是留園的招牌菜，肉甜而不膩，皮光肉滑。
上海人過年入冬必食暖窩，打邊爐有大團圓的意思，材料十分豐富，其中蛋餃寓意金元寶。打開蓋的一刻，肉香濃得有點像酒香，極之誘惑。
留園飯店
電話：25100483
地址：灣仔軒尼詩道303號華創大廈1樓
營業時間：12:00nn-3:00pm及6:00pm-11:00pm
新光潮州菜館的老闆忠哥一家都是潮州人，跟他談起潮州人的新年菜，原來出名勤勞克儉的潮州人，過年時仍是吃一般家常菜，或會加一味翅，其中有很多有趣的細節：
「新年會豪一啲食翅，食滷水拼盤時會拼多幾款，新年唔會食腳、翼嘅位置，只食鵝身。年三十晚踏正年初一凌晨時，所有人都要食完湯圓至可以去瞓覺。」
只在節慶先食到
潮州人只在新年、冬至和盂蘭節才吃到，有綠豆茸和花生碎糯米兩款味道，鋪上粉紅色色粉，壓上福字，確係好有喜慶氣氛。
新光潮州菜館
地址：灣仔駱克道405-419號地下
電話：25720830
營業時間：5:30pm-5:30am