東亞銀行主席李國寶接受《南華早報》嘅專訪噚日出街，佢除咗暢談自己由讀醫科到投身銀行界之路，又提及八九年「六四」期間，曾經「行俠仗義」。
話說當時中銀分行擠提，中銀阿頭就致電寶哥哥求救，希望佢代為通傳，搵財爺出面平息群眾恐慌，寶哥哥率先給予中銀五億港元信貸額，重喺護衞保駕之下，親自將銀紙抬去中銀。李國寶話自己當時連借據都冇取，對方亦冇點算就收下解款箱，雙方均以一個信字交易。
現年六十三歲嘅寶哥哥，喺訪問中初次透露已經選定幾個人為東亞接班人，至於邊個會成為未來舵手，李國寶就冇進一步透露，只係表示東亞一直致力提升為非家族經營、具卓越盈利能力嘅銀行。
（圖）八九年中銀分行擠提，李國寶曾經幫佢哋解困。
傳真︰2623-9278
電郵︰