無綫上周播出劇集《戇夫成龍》結局篇，平均收視高達四十一點，即約有二百七十萬名觀眾收看，上周五大結局的收視更一度有三百萬觀眾捧場，令《戇》劇榮登無綫十二年來劇集收視之冠。主角「阿旺」郭晉安昨日到灣仔街市向街坊提早拜年，幾乎將街市反轉。
由郭晉安、宣萱及楊婉儀主演之古裝喜劇《戇夫成龍》，於上周播映結局篇，平均收視高達四十一點，即有二百七十萬名觀眾收看，周五結局播出三人重逢一幕時，最高收視更高達四十六點，即有三百零三萬觀眾，而全劇的平均收視則有三十七點，即有二百四十三萬名觀眾，以一點之微（七萬觀眾）力壓由張衞健擔演的《小寶與康熙》，榮登無綫自一九九一年十月以來的劇集收視之冠。
我鍾意阿旺揀宣萱
其實近期《戇》劇不止成為坊間茶餘飯後的話題，由安仔扮演只得八歲智商的丁常旺，更成為家喻戶曉的人物，昨日安仔與楊婉儀應本報邀請到灣仔街市拍照時，竟險些反轉街市。
安仔與楊婉儀昨日甫抵達街市，即先往購買賀年糖果，惹來大群街坊及檔主圍觀，並不停大叫「阿旺」，又學阿旺在劇中的說話方式。當安仔以平日的語氣向一眾街坊致謝時，有街坊竟笑說：「點解你咁講嘢嘅？」安仔不禁失笑道：「我平日係咁講嘢㗎嘛。」亦有師奶fans走近二人身旁說：「你兩個唔好一齊啦，我鍾意阿旺揀宣萱呀。」
而安仔與楊婉儀揀完糖果後，女檔主竟表示不收錢，安仔連聲多謝之餘，更說：「咁不如我將啲糖派畀大家食吖，開開心心吖嘛。」之後兩人即向街坊大派糖果，但未及半分鐘已被盡掃一空，於是二人「安哥」再派一次糖，場面既開心又熱鬧。
臨陣反口唔派金牛
日前安仔曾揚言若劇集收視衝破四十點，便會大派利是，昨日他得悉最高收視高達四十六點，即坐言起行，與楊婉儀派糖後再齊齊向街坊大派利是，但卻因場面混亂，為免撞翻現場的攤檔，二人只好走到較少人的地方才敢再派利是，但利是亦迅速被搶光。
對於《戇》劇今次能打破無綫十二年來最高收視紀錄，安仔興奮地說：「梗係開心啦！TVB好耐冇試過有呢個成績，頭先我派糖嗰陣，帶動到街坊啲情緒都好開心呀，我係驚撞親啲老人家同小朋友咋。啲人好鍾意嗌我阿旺，我都希望大家新一年都係由旺開始。」
安仔表示他會在年初一大派利是，不過卻縮沙表示不會派「金牛」，他笑說：「我打工仔嚟㗎咋，應該TVB畀，但我都會派嘅。」楊婉儀則說：「我都好開心，因為增加咗我做戲嘅信心。」
好多人嗌我老婆仔
而「老婆仔」宣萱昨日亦透過電話說：「𠵱家我由冇男朋友，變咗有好多老公，因為好多人嗌我做老婆仔，我希望呢個收視都可以保持十二年。」
此外，無綫外事部助理總監曾醒明昨日表示公司已決定為《戇》劇舉行祝捷會，曾醒明說：「以往啲劇播完都係啲藝員自己搞飯局，但係《戇》劇今次刷新收視嘅紀錄，公司先破例搞祝捷會，以示鼓勵。」
採訪：朱芷瑩 攝影：陳慧安 服裝提供：DKNY
