投資推廣署署長盧維思外號米奇老鼠，佢太座Fanny黃麗君出身傳媒，係行內出名嘅小辣椒，後嚟加盟廉記，舊年起歸家相夫教子，羨煞旁人。
以Fanny姐嘅才學，冇理由從此退出江湖。八方聽聞，佢最近應老師李金銓邀請，到城大升堂講學，教英文新聞寫作及報道，城大班學生仔女真係有福。Fanny曾經喺《南華早報》任職多年，十幾年前已名滿行內，佢教寫新聞，請假去聽都抵。
八方問城大英文及傳播系系主任李教授，點解只開英文寫作，李金銓話因為佢個系叫英文系，但學好英文寫作，將來做公關或打乜嘢工都有用，至於人工就好微薄，Fanny肯幫手梗係開心啦。八方其實都好想去學吓嘢，唔知有冇得旁聽呢？
（圖）投資推廣署署長盧維思嘅太太黃麗君本來專心相夫教子，但最近「復出」執教鞭。
傳真︰2623-9278
電郵︰