反《基本法》二十三條最落力嘅民間人權陣線召集人蔡耀昌一直冇回鄉證返大陸，係人都知，但係佢最近做咗朱鎔基同胡錦濤校友，成為清華大學法律學士，怕且就冇乜人知。
政界中人叫佢做「狗哥」的蔡耀昌原本喺港大已經有個法律學位，之後佢報讀港大專業進修學院同清華合辦中國法律專業二學位課程，同其他香港律師一樣讀番個中國法律學位，點知又俾佢考到。
清華重叫佢一月上去行畢業禮，順手攞埋畢業證書，但係「狗哥」連回鄉證都被沒收埋，唔通坐大飛去咩！
於是佢又走去申請回鄉證，最後就梗冇得發啦，惟有搵人幫佢攞畢業證書。「狗哥」已經十年冇回鄉證，怕且佢都要見到校友胡錦濤先有機會攞到！
（圖）蔡耀昌攞唔到回鄉證，但係都攞到個清華學位。
傳真︰2623-9278
電郵︰