呢輪公務員事務局局長王永平日日講第二輪自願退休計劃，不過詳情欠奉，搞到班阿頭無所適從，而班手下就個個喺辦公室計數，睇吓瘦雞餐食唔食得過。
但係無論幾吸引都好，啲阿頭同就快夠鐘嘅公僕以至打得一族都只有望門興歎。何解？因為根據最新指示，為免再次出現上次肥上瘦下嘅情況，平叔已經講得清清楚楚，今次要連人帶位一齊取消，冇得講數，用低級嘅位頂數，咁即係話啲高層好難有得退，否則會俾班手下鬧死，搞到佢哋冇職位可升。其次，為咗無謂益啲就快退休人士，如果重有唔夠五年就正式退休，咁就唔符合條件。
至於打得一族，好似八方嘅老友咁，一個人做埋幾個人啲嘢，就已經收到料，同班政務官一樣，申請都唔會批。
傳真︰2623-9278
電郵︰