去完漣山睇樓嘅人，可直入小欖跳蚤市場；就算唔打算睇樓嘅人，都可以在荃灣地鐵站對開的政府多層停車場，乘搭$5專用穿梭巴士(星期六每小時一班、周末假日每半小時一班)，直抵小欖跳蚤市場。
開放時間：周六、日及公眾假期9:00am-7:00pm
呢度$10可買到4隻膠鳶加4個線轆，如果撞啱一家大細，四口之家就最啱；另外，其他一啲立體布鳶平均消費都係$20一隻，最大的500碼線轆都係$10一個；呢度環境好空曠，而且又近碼頭邊，生風特別多。
呢度有間叫綠悠舍園藝，專賣各類園藝產品，水仙頭平均$5-$35一個！價錢算係在一般之下；不過最正都係啲水仙盤，外貌好似成過元寶嘅紫砂水仙盤（$128），賣相夠貴氣，如果想優雅一點，還有另一款荷葉形嘅景德鎮迫裂紋水仙盤（$280）；去大型國貨公司都唔係咁易搵到。