男子組合Shine昨日到旺角為首次配音的電影《星空奪寶》宣傳，其間還與歌迷玩遊戲。對於有傳師妹Cookies其中三名成員Angela、Gloria和Helena將會被踢出隊，Shine說：「我哋唔清楚件事，如果係真我都擔心佢哋嘅前途。」
至於前輩歌手林海峰和梁漢文相繼加盟所屬的百代唱片公司，Shine說：「已經見過佢哋，好期望可以合作。有一班人加入公司，我哋冇諗過會唔會分薄咗公司嘅照顧，我哋𠵱家好滿意公司安排畀我哋嘅工作。」
另外，Shine被邀拍攝百事汽水廣告，他們的經理人還表示自消息傳出後，內地即有另一個廣告斟洽合作，成員又南說：「今次可以合作非常開心，之前已經去咗上海拍嘢。我哋都覺得百事喺內地好強，相信幫到我哋嘅海外市場。」