郭富城和環球2R成員之一的黃婉佩，昨日在西貢為內地喜得龍波鞋拍攝廣告，城城在廣告內的演出頗似荷李活影星湯告魯斯（TomCruise）在電影《職業特工隊》中吊威吔的一場戲，城城同樣被安排吊威吔，不過他卻偷波鞋。
城城昨日心情不錯，問他廣告的酬金，城城說：「聽聞製作費過億元，我對自己嘅酬勞亦好滿意。」
城城在拍照時，不停高舉勝利手勢，城城笑言：「舉兩隻手指就係兩個老婆，五隻手指係五個老婆，十隻手指係十個老婆。」城城這個手勢似有暗寸經常高舉勝利手勢的成龍之嫌，他否認說：「唔係，我都係睇報紙學，我𠵱家冇老婆。」
謝霆鋒都有為內地的波鞋品牌拍廣告，城城的加入豈不是掀起一場波鞋大戰？他說：「唔可以咁講，每個牌子都搵適合嘅代言人啫。」
採訪、攝影：陳梅香