中國一汽華利（天津）汽車有限公司響日前於吉林長春市，與日本大發車廠簽訂技術合約，將會在中國國內生產備受車迷歡迎嘅大發Terios。呢個合作計劃由去年8月開始洽談，建基於中國第一汽車集團及豐田車廠交涉，最後決定生產適合車款，以滿足中國內地市場顧客嘅需要；至於國產嘅Terios，廠方計劃每年生產約一萬部，並會於今年秋季開始投產。
不過，國產Terios於銷售時，究竟係用上中國一汽定還是係大發嘅品牌，雙方暫時仍未有定案，相信要到正式投入市場售賣時方有決定。中國第一汽車集團為國內最先及最大型嘅汽車生產商，而佢哋決定於國內將Terios投產之前，亦曾於1984年擁有大發Hijet嘅生產權，但現時此車已停產；而Terios則於1997年開始投產，並在日本國內市場已售出約130,000部，表現可稱得上係十分出色。
文：李顯宗