要用幾百甚至幾千蚊睇一場NBA比賽，好多人會覺得買對波鞋或者食餐勁重好過；不過當你置身NBA球場，你會感受到不但是一場籃球比賽咁簡單。
今次觀看魔術對太陽的比賽，可算是今次美國之旅重頭戲之一，雖然魔術主場館WaterhouseCenter沒有爆滿，但氣氛仍然一流：球迷的歡呼聲，夾雜着美女啦啦隊的勁歌熱舞，及吉祥物搞笑和飛身入樽表演，真教我們看得如癡如醉！每次麥基迪持球，主隊球迷必瘋狂歡呼，峯迴路轉的戰情更令人目不暇給。
稱得上表演，當然一秒冷場都沒有，每逢暫停、半場休息，都有各種表演，雖然魔術啦啦隊沒有湖人般美豔（這評價來自一位台灣記者），但就笑容搭夠；極之賣力的吉祥物、霹靂舞同歌星獻唱等。中國CBA聯賽要追近NBA，唔係淨係抄襲吓隊名就得，首先必要學識好似NBA比賽般令歡眾盡興！