鄭中基有份主演的賀歲電影《行運超人》剛上畫，看過的人均認為鄭中基的喜劇細胞愈來愈強烈，而且很搶戲，鄭中基昨日在其經理人公司接受訪問時說：「有啲笑位原本係冇預計，好似滿口潮州音係學內地演唱會之父Ba叔講嘢。」
《行》片有場戲講述杜汶澤欲出唱片做歌星，鄭中基提議聘職業fans撐場，此段戲有指是暗寸麥浚龍（Juno），鄭中基說：「梗唔係寸佢啦。」他更寄語Juno不用太介懷別人所講。
鄭中基在戲中與前度女友楊千嬅合作，更有場戲講述他表白欲娶千嬅，問他現實中可曾向千嬅求婚，他說：「冇，我唔知同佢重有冇可能，大家識咁耐都有默契，我哋又傾到偈，可以做朋友。」問他認識的千嬅是否一個愛哭的人？他說：「印象中佢喊得最犀利係第一次攞『叱咤』女歌手獎。」
採訪：卓美娟攝影：陳偉權