以前古仔很愛跑車，每年總會花不少金錢買名貴跑車，但人長大後，心境亦會改變。
古仔說：「花無百日紅，特別係做呢一行。𠵱家經濟咁差，使錢真係會諗過度過，上個禮拜我去買衫，簽單嗰陣我都肉赤，以前唔識諗，成日做大花筒，所以永遠儲唔到錢，好似車都係用嚟代步啫，我𠵱家唔會再亂嘥錢買車啦！有錢會儲起佢，我想快啲供完間屋。」
古仔還表示在呼籲市民捐贈骨髓活動中，認識一些血癌病患者，有空會與他們通電話，他說：「同我通得電話比較多嘅一位病患者，已經成為咗朋友。我身邊有朋友唔贊成我同佢哋做朋友，話如果感情深啲，有一日見到佢哋唔喺呢個世界，只會換嚟傷感。但我唔同意，如果同佢哋多啲溝通，等佢哋覺得有好多人關心佢哋，佢哋好明顯會開心好多，我認為咁做幾有意義。」
撰文：陳月媚攝影：林德雄協力：羅慧敏