【本報訊】前午在大埔太和邨商場押款往銀行被三名劫匪斬傷的美心酒樓姓張女職員，昨日仍需要留醫，情況穩定，她說：「為咗份工，都要做落去㗎，以後小心啲囉。」
原來姓張四十五歲女職員任職收銀員，但她不是負責攜款，僅做陪伴護送工作。張猶有餘悸說：「當時我行前面，個女同事喺我後面，彼此相隔唔遠，重差一步路就到華比富通銀行，忽然聽到女同事慘叫，我擰轉頭一睇，已知係打劫，見佢俾人扑咗個頭，惟有想快步衝入銀行求救，點知啲賊重快過我雙腳，有人響我背脊度劏一刀，真係痛到我死。」張婦本為家庭主婦，兩年前見仔大女大，決定到美心酒樓任職。她透露雖然被斬傷，但為了份工，也要繼續做下去。
至於負責攜六萬多元現金和一萬多元支票被扑頭的三十四歲姓劉女傷者，已無礙出院。