汽車專題：
皇崗口岸24小時通關揸咩車最好

香港與深圳之間嘅皇崗口岸，將會響明日（1月27日）實施全日24小時通關；屆時除方便本港居民隨時進出中港兩地外，對一啲擁有中港車牌嘅車主而言，更可稱得上係一件喜事。現時香港約有超過三萬部中港車輛，利用皇崗口岸往返兩地；不如今日就趁未正式實施24小時通關前，介紹一下私家車利用皇崗口岸過關嘅方法同細節。有興趣嘅朋友，就記住要留意一下喇！
特約記者、攝影：JohnNg

每日有萬三部汽車穿梭兩地
根據2002年統計，現時本港平均每日有12,533人次利用私家車往來中港兩地，比起1997年嘅4,379人次增幅超過180%，因此證明咗好多車主偏向喜愛駕駛私家車直接過關；而當皇崗口岸於明日正式實行24小時通關後，更會開放其中一條客車通道，供私家車過關時使用，相對於現時到午夜12時便關閘，真係方便得多呢！

必須途經新田交滙處
若要駕駛私家車經皇崗口岸前往中國內地，必須駕車往上水方向，途經新田交滙處，並駛入新心路前往禁區，才能到達皇崗口岸；而現時私家車進出皇崗口岸過關需時約半小時，但據一啲中港車主表示，如夜間有一條私家車專用通道的話，相信過關時間會大為縮短呢！

私家車可於聯檢大樓停泊
有時皇崗口岸會有大量汽車出入，輪候時間會較長，故此中方響聯檢大樓設有多個車位供私家車停泊，讓私家車上嘅乘客或司機購買小食或去洗手間；另外，當你駕車離開聯檢大樓之後便已到達皇崗市，附近亦設有不少車位供停泊之用呢！