經濟不景，公務員面對減薪，但似乎無損工商及科技局常任秘書長俞宗怡嘅興致，噚日佢所屬嘅新秀團體名下馬「勝任愉快」，出戰一場泥地千八米，俞宗怡同埋其他團體成員，好似衞生福利及食物局常任秘書長尤曾家麗等一齊入場，佢哋今次雖然着得簡簡單單，但依然成為焦點，一來甚少女高官養馬，二來「勝任愉快」係公眾大熱門，係馬迷都吼實佢。
結果隻馬順利勝出，收番三十九萬三千蚊獎金，俞宗怡拉頭馬時重表現得好滿足。佢同八方講，隻愛駒近幾次出賽，佢都有入場打氣，可惜都只係跑得位置，有啲掃興，今次終於贏番一場，雖然熱熱哋冇乜分頭，但已經非常開心，因為自己志在享受吓賽馬嘅樂趣。
﹙圖﹚俞宗怡（箭嘴示）嘅愛駒「勝任愉快」大熱勝出，收番成四十萬蚊獎金，但係馬主只佔七成，重要同成十位成員分㗎。
傳真︰2623-9278
電郵︰