時裝名牌Prada前晚在灣仔舉行2003春夏時裝展，曾與上海富商周正毅傳緋聞的楊恭如以逾十萬元行頭示人。另一邊廂的周正毅太太毛玉萍前晚出席公開活動時，大晒幸福，表示每年農曆新年都會收到丈夫的大利是。
意大利超級名牌Prada前晚在香港灣仔會展舉行2003春夏時裝展，楊恭如以達五萬元的全新Prada春裝，配襯鑽石十字架鏈墜、價值逾五萬元的卡地亞LanieresBracelet鑽石手鏈、卡地亞LoveBangle手鐲和多枚戒指示人，全身行頭逾十萬元。
楊恭如自去年與上海富商周正毅傳緋聞後，一副唔憂做的姿態。而她出席公開場合又派頭十足，更以每月十二萬租住豪宅裕景花園，生活富泰。
楊恭如風騷地說：「女仔鍾意扮靚，呢啲錢係唔慳得嘅，每季我都用六位數字置裝。」伊人最近重新投入工作，接拍了電影《我要結婚》，不過據雜誌報道，她的片酬估計不會多過二十萬，但她欣賞fashionshow，行頭已逾十萬，認真捨得花費裝身。
農曆新年將至，問楊恭如會否向緋聞男友周正毅拜年，𢭃大利是？她故作神秘說：「唔知，唔答。」
早前有雜誌報道楊恭如本月七日二十九歲生日，花了一百二十萬元買平治Jeep送給自己當作生日禮物，前晚楊恭如卻否認上述報道。
而周正毅太太毛玉萍前晚亦在灣仔君悅酒店出席公開活動，她透露農曆新年將與夫婿到美國旅遊。提到夫婿，毛玉萍大晒幸福說：「老公每年過年都封大利是畀我，我會撥一部份做善事。𠵱家佢喺上海，不過我哋每日會通十幾次電話。」
問毛玉萍有甚麼新年願望？她說：「希望身體健康，老公就冇所謂啦，佢想點就點。」周正毅頻與女星傳緋聞，問毛玉萍會否希望羊年夫婿減少惹桃花？她大方說：「乜唔係有桃花係好事咩？呢啲係運嚟㗎，佢年年都有㗎啦！」
日前毛玉萍好友、中華總商會永遠會長張人龍的兒子張德熙爆毛玉萍曾為夫婿的緋聞不高興，毛玉萍前晚對此說：「已經冇啦，我不嬲都冇唔開心，我哋夫妻感情一向好好。」
